OLF Calls Upon all Oromos to Defend Themselves in Any Form Possible.

OLF Calls Upon all Oromos to Defend Themselves in Any Form Possible. OLF Press Release – December 06 2022

The invasion of Oromo land, brutal killings, displacement, rape, etc., have reached their zenith. The terrorist Fano militia (the Ethiopian Interhamwey) that was trained and armed by the Government led by the Prsoperty Party is undertaking a final showdown on Oromiya. Oromo has not encountered such scale of cruelty since Minilik invasion, mass killings and genocidal war in its long history of Abyssinia colonialism. The current predicament of the Oromo is unparalleled…

የኦሮሞ ህዝብ የጠላትን ወረራ በሚቻልለት መንገድ ሁሉ እንዲከላከል ከኦሮሞ ነጻነት ግንባር የቀረበ ጥሪ

የኦነግ መግለጫ – ታህሳስ 06 ቀን 2022ዓም

በኦሮሞ ህዝብ መሬት ላይ የሚፈጸመው ዝርፊያ፣ በኦሮሞ ላይ የሚፈጸመው አሰቃቂ ግድያ፣ ዜጎችን ከቤት ንብረታቸው የማፈናቀር ድርጊትና ሰላማዊ ዜጎችን የመደፈር ተግባር የመጨረሻ ደረጃ ላይ ደርሷል። ፋኖ(የኢትዮጵያ ኢንተርሃምዌይ) የተሰኘው አሸባሪ ቡድን በብልጽግና ፓርቲ በሚመራው የኢትዮጵያ መንግስት የተመሰረተ ሲሆን፡ ይህ ቡድን በኦሮሚያ ውስጥ ኣሰቃቂ የጭካኔ ድርጊት በመፈጸም ላይ ነው። ከሚኒሊክ ወረራ ወዲህ እንዲህ አይነት አረመኔያዊ የጭካኔና የዘር ማጥፋት ተግባር በኦሮሞ ህዝብ ላይ በአቢሲኒያ ጦር ታሪክ ተፈፅሞ አያውቅም።

በቅርቡ በኦሮሞ ላይ የተፈፀመው ኣረመኔያዊ ተግባር ወደር የለውም። ሚኒሊክ በ19ኛው ክፍለ-ዘመን በኦሮሞ ህዝብ ላይ ወረራ በፈጸመበት ወቅት የእናቶችን ጡትና የወንዶችን እጅ ሲቆርጥ ነበር። በብልጽግና ፓርቲ መንግስት ዘመን ደግሞ አሸባሪ ቡድኖች በጎጃም ዞን ቡሬ ከተማ የኦሮሞ ልጆችን ኣንገት ቆርጠው በዛፍ ላይ አንጠልጥለው ሲያሳዩ ነበር። እንዲሁም የተገደሉትንም ዜጎች አስከሬን አቃጥለው እላያቸው ላይ ቆመው የድል መዝሙር ሲዘምሩ ታይተዋል። አሁንስ በቃን! ከዚህ በላይ የብልጽግና ቡድንን ግፍና ኣረመኔያዊ የጭካኔ ተግባር መሸከም አንችልም።

የኦሮሞ ህዝብ ድንበር ተሻግሮ የሰውን ሀገር አልወረረም። የኦሮሞ ህዝብ ወንድና ሴት ልጆቹን፣ እናትና አባቶቹን፣ ሚስቶቻቸውንና አባቶቹን የሚያዋረዱትን ጨምሮ፡ ከሁሉም ብሄሮች ጋር በሰላምና በፍቅር ይኖራል። ኣብልቶና ኣጠጥቶ፣ ጥበቃ ኣድርጎላቸው፣ ሕይወታቸውን ታድጎ ነው ኣብሮ የኖረው። ህይወቱንና መሬቱን ለነሱ ኣካፍሎ እንዲኖሩም ተባበራቸው። ነገር ግን እነዚህ ሰፋሪዎች ለኦሮሞ ህዝብ መልካምነትና ደግነት የሰጡት ምላሽ፡ በህዝቡ ላይ አረመኔያዊ ተግባር መፈጸምና ማዋረድ ሆነ። የኦሮሞ ህዝብ ለደህንነቱና ለህልውናው ታግሎ በአገሩና በቀዬው በሰላም የመኖር መብት አለው።

ስለሆነም የኦሮሞ ህዝብ በአንድነት ተነስቶ ለሀገር ፣ ለልጆቹ፣ ለእናቶችና ለአባቶች በአጠቃላይ ለህልውናው እንዲታገል ኦነግ ጥሪውን ያቀርባል። ካሁን በኋላ ይህንን ውርደት መሸከም አንችልም። ስለሆነም እያንዳንዱ የኦሮሞ ዜጋ በአንድነት ተነስቶ ትግሉን ማፋፋም አለበት። ደህንነታችንን ማስጠበቅ ሰብአዊ መብታችን ነው።

የሁለተኛ ደረጃ ት/ቤቶችና የዩኒቨርሲቲ ተማሪዎች፣ በየደረጃው የሚገኙ መምህራን፣ አርሶ አደሮችና የኦሮሞ ወጣቶች(ቄሮ) በጋራ ተነስተው እንዲታገሉ መልዕክታችንን እናስተላልፋለን። ካሁን በኋላ በአገራችንና በቀዬኣችን ቁጭ ብለን መገደልና መዋረድ የለብንም።

ኦሮሞ አንድነቱን ማስጠበቅና ማጠናከር አለበት። የአንድ ኦሮሞ ሞት የሌላው ኦሮሞ ሞት ነው። የአንድ ኦሮሞ ውርደት የሁሉም ኦሮሞ ውርደት ነው። በኦሮሚያ በሁሉም ማዕዘናት የሚገኝ ኦሮሞ ሁሉ በአንድነት ተነስቶ የብልጽግና ፓርቲ ቡንድ በኦሮሞ ላይ እያደረሰ ያለውን ግድያና ውርደት ሊቃወምና ሊያወግዝ ይገባል።

አንድነታችንና ቁርጠኝነታችን በ2018ዓም የኢህአዴግ መንግስት እራሱን እንዲያድስ አስገድዶት ነበር። የብልጽግና ቡድን ኣስታጥቆ ያሰማራቸው አሸባሪ ሃይሎች የህዝቡን መንደርና ቤቶችን አቃጥለው ማውደም፣ ያልታጠቁ ሰላማዊ ዜጎችን በከባድ መሳሪያ ማጥቃት፣ ከተሞችን እና መንደሮችን በቦምብ መደብደብና ተማሪዎችን በትምህርት ቤቶች በጅምላ መፍጀት፣ ሰዎች ለአምልኮ በተሰበሰቡባቸው ቦታዎችና በገበያ ስፍራዎች ጥቃት በመፈጸም ሰላማዊ ዜጎችን መግደል ከጀመሩ ሰነባብቷል። በኦሮሚያ ውስጥ መደበኛ አስተዳደር ከተቋረጠ ውሎ ኣድሯል።

ስለሆነም አሁን ካለው የከፋ ጥፋት እንዳይከሰት ሁሉም የኦሮሞ ህዝብ በአንድነት ተነስቶ በመፋለም፡ የኦሮሚያ ክልል የሽግግር መንግስት እንዲመሰረት የዜግነት ግዴታውን እንዲወጣ መልዕክታችንን እናስተላልፋለን። በመጨረሻም የኦሮሚያ መምህራን ያነሱት ጥያቄዎችና የኦሮሞ ወጣቶች(ቄሮ) ተቃውሞ ፍትሃዊ ጥያቄ ነው እንላለን። ስለሆነም ሁሉም የኦሮሞ ዜጎች ከጎናቸው ሊቆሙ ይገባል።

ድል ለሰፊው ህዝብ!

የኦሮሞ ነጻነት ግንባር

ታህሳስ 06 ቀን 2022ዓም

ፊንፊኔ

Author: Mulugeta Woldetsadik, Librarian/Information Professional at Hawassa University (HU), Ethiopia

Mulugeta Woldetsadik, Librarian/Information Professional @ Hawassa University, , Sidama Region, Ethiopia

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.

%d bloggers like this: